Törkiyädä cirteträw

Älazığneň Sivricä ilçäsendä comğa könne Törkiyä waqıtı belän 20:55tä barlıqqa kilgän 6,8 zurlığındağı cirteträwdä 22 keşeneň ğomere özelgän, ber meň 243 keşe yaralanğan.

Cirneň 6,75 çaqrım tiränlegendä barlıqqa kilgän cirteträw yaqınça 40 sekunda däwam itkän.

Cirteträw Adana, Hatay, Osmaniyä, Tuncäli, Gaziantäp, Şanlıurfa, Malatiya, Mardin, Samsun, Tokat, Çorum, Mardin, Kayseri belän Suriyäneň tön’yağında da xis itelgän.

Êçke êşlär ministrı Söläyman Soylu, Moxitnı saqlaw häm şähär tözeleşe ministrı Murat Kurum belän Sälamätlek saqlaw ministrı Fahrättin Koca cirteträw töbägenä kitte.

AFAD Afät häm ğadättän tış xällär idaräse, Törek Qızılay, UMKE Milli medikal’ qotqaru törkeme, yanğın sünderü häm sälamätlek saqlaw törkemnäre häm yärdäm äyberläre belän qayber cirle xakimiyätlärneň êzläw-qotqaru törkemnäre tiz räweştä töbäkkä cibärelde.

Kandilli küzätüxanäseneň (observatoriyäseneň) isä 6.5 zurlığında buluı açıqlanğan zilzilädän soň töbäktä 228 iyärçen cirteträwe yäşände.

Şul uq waqıtta İlbaşı Räcäp Tayyip Ärdoğan cirteträwdän soň barlıq çaralarnı yaqınnan küzätä.

Ärdoğan can iminlegeneň täêmin itelüe öçen kiräkle böten çaralarnıň kürelüen belderde.

İlbaşı cirteträwdä häläq’ buluçılarğa Allahtan yarlıqaw, yaralanuçılarğa aşığıç şifalar teläde.