Anadolu agentlığına basqın

Misırda Anadolu agentlığı ofisına basqın oyıştırdılar häm jurnalistlarnı saq astına aldılar

1341515
Anadolu agentlığına basqın

Misır poliśiyäse Törkiyäneñ Anadolu agentlığınıñ Kahirädäge ofisına basqın oyıştırdı. Anda 4 xezmätkärne saq astına aldılar, alarnıñ 1se törek watandaşı.

Kiçä kiçke säğat’lärdä ofisqa kergän poliśiyä törkemnäre iminlek kameraların yaba häm internet êlemtäsen özä. Alar irtängegä qadär anda tentü yasıy. Xezmätkärlärneñ pasport, kesä telefonı häm sanaqların konfiskaśiyälilär. Östäwenä, alarnıñ berkem belän dä êlemtägä kerüenä röxsät itelmi.

Tentü yasağan törkemnär waqıyğadan soñ ofisqa kilgän Anadolu agentlığınıñ advokatına basqınnıñ säbäbe belän bäyle mäğ’lümat birüdän baş tarta. Soñınnan advokatnı tışqa çığarıp tentülären däwam itälär.

Ofista êşläwçe misırlı xatın-qıznı poliśiyä tön urtasında öyenä qaytarıp cibärä, ä qalğan 4 xezmätkärne irtängä qadär saq astına alalar. Alege jurnalistlarnı iminlek saqçıları irtän bilgele bulmağan urınğa alıp kitä.

Saq astına alınuçılar arasında Anadolu agentlığınıñ Kahirä ofisında finans häm idarä êşläre öçen cawaplı Xilmi Balcı, Misır watandaşları Xösäyen äl Kabbani, Xösäyen äl Abbas häm SETA waqıfı xezmätkäre Abdessälam Möxämmät bar.

Törkiyäneñ Kahirädäge waqıtlıça wäkile Kämalettin Äruygur Misır tışqı êşlär ministrlığına kiräkle möräcäğat’ne yasıy häm mäs’äläne yaqınnan küzätep bara.

Törkiyä tışqı êşlär ministrlığı isä Anadolu agentlığınıñ Kahirä byurosına Misır iminlek köçläreneñ basqın oyıştıruına rizasızlıq belderde. Alar xezmätkärlärneñ kiçekmästän irekkä cibärelüen taläp itte.



Bäyläneşle xäbärlär