Ärdoğan: “Hafter utnı tuqtatu tekstına qul quymıyça Mäskäwdän qaçtı”

Törkiyä İlbaşı Räcäp Tayyip Ärdoğan tüntäreleşçe Hafterneň Liviyadağı taraflar arasındağı bäreleşlärne beteräçäk utnı tuqtatu tekstına qul quymıça kiçä Rusiyä başqalası Mäskäwdän qaçuın äytte

Ärdoğan: “Hafter utnı tuqtatu tekstına qul quymıyça Mäskäwdän qaçtı”

Mäskäwdän qaçıp kitkän tüntäreleşçe Haftergä reakśiya kürsätüçe Ärdoğan: “Törkiyä qatışmasa ide, bügen tüntäreleşçe Hafter böten ilne basıp alğan, Liviya xalqınıň bötenese dä zolımğa êläkkän bulır ide”, - dip äytte.

Ärdoğan: “Utnı tuqtatunı yazma räweşkä äyländerü maqsatınnan çığıp kiçä Mäskäwdä ütkärelgän söyläşülärdä Tripoli xökümäte kileşü yaqlı totışın kürsätte. Bu totışqa qaramastan tüntäreleşçe Hafter utnı tuqtatuğa qul quyudan taypıldı. Başta äye dip äytte, annan soň, qızğanıç, Mäskäwdän kitep bardı, Mäskäwdän qaçtı häm imzalamadı. Ämma wäkillegebez andağı döres totışın kürsätep, iptäşlärebez imzaların saldı häm xäzerge waqıtta dokument bezneň qulda. Bez wazıyfabıznı ütädek, monnan soňğısı Rusiyä Däwlät başlığı Vladimir Putin häm anıň törkemendä. Bez berqayçan da äytkän süzebezne kire qaqmıybız”, - dip belderde.

Ärdoğan: “Hafter bilgelägän şartlar çın yözen kürsätä. Utnı tuqtatunı kire qağuı bezne gäcäpländermäde. Fäqät bu yulı uzğan çaqlardan ayırmalı bularaq êşneň êçendä Törkiyä bar. Kiçä Mäskäwdä alıp barılğan söyläşülärne tüntäreleşçe Hafterneň çın yözen kürsätüe cähätennän uňay dip tabuın” citkerde.

Aldıbızdağı könnärdä tüntäreleşçe Hafter belän ilneň legal’ citäkçelege arasında yasalaçaq saylap alularnı iğ’tibar belän küzätäçäklären belderüçe Ärdoğan:

“İlneň legal’ citäkçelegenä häm Liviyadağı qardäşlärebezgä höcümnären däwam ittergän oçraqta tüntäreleşçe Haftergä layıq bulğan sabaq birüdän dä hiç taypılmayaçaqbız”, - dip assızıqladı.



Bäyläneşle xäbärlär