Terrorçılarnıñ cir astında yäşäw urınnarı tabıldı
Tunnel' êçendä konteynerlardan bülmälär yasağannar
Süriyäneñ tön’yağındağı “Solıx çişmäse” xäräkäte töbägendä separatist terrorçı oyışma YPG/PKKnıñ tağın ber tunnele tabıldı. Ul qır cirlege belän şähär üzägen totaştıra.
Yaña tunnel’ne Tel Abyadta iminlek köçläre taptı. Ul basu şikelle cirlektä başlana da Süriyä belän Törkiyä çige, şähär üzäge häm kön’yaqtağı Ayn Arus toraq punktına taba suzıla.
Tunnel’ êçandä terrorçılar yäşerenü öçen konteynerlardan bülmälär yasağan, êlektr häm su çeltärläre ütkärep cir astın waqıtlıça yäşäw urınına äwereldergän. Bolar Törkiyäneñ xärbi operaśiyäse bulğan oçraqta qarşılıq kürsätü, sıyınu häm kötmägändä höcüm itü maqsatı belän qazılğan.
Xäräkät waqıtında tabılğan tunnel’lärneñ bik küp törle kerü urınnarı bar, ämma alar oçqıç häm raketa höcümnärendä işelgän.
“Solıx çişmäse” xäräkäte näticäsendä terrorçılardan çistartılğan Rasulaynda küp sanda tunnel’ tabıldı. Alar xastaxanä häm mäktäplärneñ astına qazılğan.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı