Qaçaqlar faciğase
Törkiyä yarında qaçaqlar utırğan köymä battı
1339077
İzmirneñ Çişmä rayonı sulıqlarında qaçaqlar taşuçı köymä battı. Nätcädä 11 keşe batıp ülde, alarnıñ 8e bala. 8 keşene isä qotqardılar.
Waqıyğa kiçke säğat’lärdä bula. Diñgezdän qıçqırğan tawışlar işetüçelär jandarmeriyägä şaltırata. Hälakät urınına yar buyı iminlek xezmätläre kitä häm köymäneñ batuın kürä. Alar suda yärdäm kötüce 8 keşene qotqara. 11 keşeneñ isä üle gäwdälären genä tabalar.
Qaçaqlar köymädä barlığı 19 keşe buluın beldergännän soñ êzläw-qotqaru êşläre tuqtatıla.
Xastaxanägä iltelgän 8 keşeneñ sälamätlege yaxşı buluı bilgele. Ülüçelärneñ kemleklären açıqlaw däwam itä.