Ärdoğannıñ yaña yıl yullaması

Törkiyä ilbaşı Räcäp Tayyip Ärdoğan yaña yıl yullamasın xalıqqa citkerde. Anda ilneñ ireşkän uñışları, xalıqara mäydanda yasağan adımnarı häm maqsatlaru turında süz bara.

İlbaşı yullamada noyabr’ ayında imzalanğan häm Törkiyä belän Liviyäne diñgezdä kürşe itkän kileşüne telgä aldı.  Ul xäzerge Tripoli xökümätenä teräk bulıp bu kileşüneñ barlıq öleşläreneñ tormışqa aşuın täêmin itäçäklären äytte.

Ärdoğan dekabr’ ayında cämäğat’çelekkä citkerelgän 100 meñ sośial’ toraq tözü proyektınıñ 81 töbäkneñ barısında zur qızıqsınu häm teläk belän qarşılanuın assızıqladı. “Xalqıbıznıñ toraqqa ixtiyacı bar waqıtta kampaniyäne här yıl 100är meñlek seriyälär xälendä däwam itärgä planlaştırabız,”-dide ul.

İlbaşı Törkiyäneñ avtomobile xaqında da fikerlären citkerde. Ul proyektnıñ millät tarafınnan cılı qabul itelüeneñ uñışnı isbatlawın assızıqladı.

Ärdoğan Qara diñgezne Märmär diñgez belän berläşterergä tiyeşle İstanbul kanalı proyektınıñ Törkiyä öçen strategik häm iq’tisadi yaqtan zur tabışlı bulaçağın belderde.