"Liviyädä tiz arada utnı tuqtatu kiräk"
Ärdoğan Tunista ilbaşı Kaus Said belän urtaq matbuğat cıyılışı uzdırdı
Törkiyä ilbaşı Räcäp Tayyip Ärdoğan Liviyädä tiz arada utnı tuqtatu kiräklegen söyläde. Ul Tunisqa kötelmägän säfär belän kitte. Anda Ärdoğan ilbaşı Kaus Said belän urtaq matbuğat cıyılışı uzdırdı.
Törkiyä ilbaşı üz çığışında Liviyädä xalıqara tanılğan Milli kileşü xökümätenä Xafter köçläreneñ höcüm itüen dä telgä aldı. Ul älege tiskäre üzgäreşlärneñ Tunis häm başqa kürşe däwlätlärgä citdi räweştä yoğıntı yasawın assızıqladı.
Ärdoğan Liviyädä totrıqlılıqnıñ täêmin itelüe öçen tırışlıqlarğa Tunisnıñ bik qıymmätle häm konstruktiv öleşe bulacağına ışanuın belderde.
Liviyägä xärbilär cibärü belän bäyle bularaq Törkiyä ilbaşı bolay dide: “Bez bügengä qadär hiçber cirdä çaqırusız qunaq bulmadıq. Ägär çaqırsalar, tabiğıy, monı qararbız”.
Ärdoğan Liviyä belän kileşü imzalanuına da basım yasadı. Ul monnan soñğı prośessta bu yünäleştä däwam itäçäklären belderde.
“Xalıqara tanıluı bulğan Särrac belän bergä adım yasıybız. Xafternıñ mondıy üzençälege yuq. Liviyädäge qardäşlärebezne alarğa izderttermik,”-dide Törkiyä liderı.
