"Yazmışıbız 5 il qulında"

Törkiyä ilbaşı Räcäp Tayyip Ärdoğan Malayziyada oyıştırılğan Kuala Lumpur oçraşuında çığış yasadı.

Ӓrdoğan İran dӓwlӓt başlığı Xӓsӓn Ruxani belӓn Qatar Ӓmire Tamim Bin Xamad Al Tani da qatnaşqan orçaşuda 50dӓn artıq ildӓn 650 qatnaşuçığa mörӓcӓğat’ itte.

Çığışında BMO iminlek şurası strukturasınıñ üzgӓrüe zarurlığın beldergӓn Törkiyӓ ilbaşı tübӓndӓgeçӓ citkerde: “İkençe bötendön’ya suğışı ciñüçelӓre tarafınnan üz mӓnfӓğat’lӓren saqlar öçen qorılğan hӓm 1,7 milliard keşeneñ yazmışın 5 il qulına qaldıruçı sistemanıñ ğomere tӓmamlandı.”

Ӓrdoğan BMO iminlek şurasınıñ ğına tügel, ӓ İslam xezmӓttӓşlek oyışmasınıñ da yañartıluı zarurlığın assızıqlap, İslam dön’yasın da tӓnqıyt’lӓde.

İslam geografiyaseneñ zur ênergetika çığanaqlarına iyӓ buluına qaramastan 350 million möselmannıñ açlıq belӓn körӓşüenӓ iğtibarnı cӓlep itkӓn Ӓrdoğan tübӓndӓgeçӓ dӓwam itte: “İñ bay İslam ile belӓn fӓqıyr’ ile arasında ayırma 200 tapqırğa citӓ. Uqıy-yaza belü İslam dön’yasında 70% qına.”

Töbӓktӓge bӓreleşlӓrneñ beterelüe kirӓklegenӓ dӓ basım yasağan ilbaşı: “Bar dön’yada küzӓtelüçe bӓreleşlӓrdӓ ülüçelӓrneñ 94%ın möselmannar tӓşqıyl’ itӓ. Xӓzerge waqıtta dön’yada satıluçı hӓr 3 qoraldan berse Yaqın Könçığışqa kitӓ. Yӓgni möselmannar ber-bersenӓ qoral töbӓgӓndӓ könbatışta qoral satuçılar bayıy,” – dide.