Törek diplomatların üterüçelär turında belüçegä - 1 million dollar

1980nçe yılnıñ 17nçe dekabrendä Avstraliyäneñ Sidney şähärendä ärmän terrorçıları Törkiyäneñ konsulı Şarık Arıyak häm iminlek attaşesı Êngin Severne ütergän ide. Älege qanlı waqıyğağa 39 yıl tuldı. Şul uñaydan Sidneydağı konsullıq rezidenśiyäse qarşısında iskä alu çarası oyıştırıldı. Andağı çığışlarda Arıyak häm Severneñ ğomeren özgän waqıyğanıñ Avstraliyädäge täwge terrorçılıq höcüme buluı äytelde. Däwlätêşlekleläre ilneñ küp mädäniyätle tözeleşendä mondıy ğamällärgä urın bulmawın assızıqladı.

İskä alu çarasınnan soñ Kön’yaq Uêl’s töbäge iminlek idaräse başlığı urınbasarı Mark Uolton matbuğat konferenśyäse ütkärde.  Ul diplomatlarnı üterüçelärne êläkterü öçen terrorçılıq belän köräş bülege qul astında ayırım törkem tözelüen belderde. “Üterüçelär turında mäğ’lümat birüçelärgä aqçalata büläk 250 meñ dollardan 1 million Avstraliyä dollarına citkerelde. Äle xaman da üterüne planlaştıru häm ğamälgä aşıru turında mäğ’lümatı buluçılar häm älege cinayät’lärne êşlägän motośikldağı keşelärneñ kem ikänen belüçelär barlığına ışanabız,”-dide ul.