Kön üzägendä-qaçaqlar

Şveyśariyädä 1nçe Dön’yaküläm möhacir forumı uza

1324955
Kön üzägendä-qaçaqlar

Qaçaqlar mäs’äläse ber-ike däwlätneñ tırışlıqları belän genä xäl itelmäyäçäk. Törkiyä ilbaşı Räcäp Tayyip Ärdoğan Şveyśariyädä uzuçı 1nçe Dön’yaküläm möhacir forumında şunı añlatırğa tırıştı. Ul Törkiyäneñ millionnarça sıyınuçığa işeklären açuın xäterlätte. “Mömkinlekläre bezdän berniçä qat kübräk bulğan däwlätlär migrantlarğa kvotalar quyğanda, bez rasa, din, tel häm êtnik tamırların ayırıp tormıyça härkemgä qoçağıbıznı cäydek. Qaçaq mäs’älälseneñ bu keşelärne bezneñ şikelle sıyındırğan berniçä ilneñ tırışlığı belän xäl itelmäyäçäge açıq,”-dip söyläde Ärdoğan. Ul monıñ global’ däräcädä atılaçaq adımnarğa bäyle buluın assızıqladı. “Süriyä migrantları belän bäyle problemanıñ berdänber çişeleş yulı möhacirlärne bezneñ çiklärebez êçendä totu bularaq qaralırğa tiyeş tügel,”-di Törkiyä ilbaşı.

Ärdoğan Süriyädä däwamlı totrıqlılıq öçen möhacirlärneñ kire qaytuınıñ ähämiyätenä basım yasadı.

“Möhacirlärne üz cirlärendä totarlıq, ilbezdä bulğannarın da qabat watannarına qaytarırlıq formulalarnıñ ğamälgä kerüe kiräk. Süriyädä däwamlı totrıqlılıq häm tınıç tormışnı torğızuda migrantlarnıñ kire qaytuı, terrorçılıq belän köräş qadär ük, ähämiyätle,”-dide ul.

Ärdoğan süriyäle sıyınuçılarnıñ Törkiyä qurqınıçsız xälgä kitergän cirlärgä küçüenä iğ’tibarnı cälep itä. Xäzergä qadär 371 meñ migrant üz teläge belän watanına kire qayttı. “BMO ğomum şurasında min kön üzägenä kitergän proyektnı tormışqa aşırsaq, bu sannıñ täwge êtapta 1 millionğa citäçägenä ışanam,”-di Törkiyä liderı.



Bäyläneşle xäbärlär