“Törkiyä NATOğa qarata cawaplılıqların iñ yaxşı räweştä cirenä citkerä”

Bu xaqta saqlanu ministrı Hulusi Akar belderde

1319299
“Törkiyä NATOğa qarata cawaplılıqların iñ yaxşı räweştä cirenä citkerä”

 

Törkiyä saqlanu ministrı Hulusi Akar başqala Änkarada uzğan çarada yasağan çığışında yaqınça 70 yıllıq NATO äğ’zası ile bularaq Törkiyäneñ berençe çirattağı mäs’älälärennän berseneñ berlektäşläre belän bergä xäräkät itep terror yanawın beterü buluın ,ämma qızğanıç Törkiyäneñ terrorğa qarşı köräştä yalğız qaldıruların belderde.

Akar Angliyäda uzğan NATO illäre liderları sammitında Törkiyäneñ terror oyışmalarına qarşı köräş belän bäyle fikerlären belderüen , ilbaşı Räcäp Tayyip Ärdoğannıñ mäs’äläne äñgämadäşlärenä centekläp añlatuına basım yasadı.

Törkiyä saqlanu ministrı Hulusi Akar tübändägelärne citkerde:”Soñğı könnärdä NATOnıñ bar buluı häm Törkiyäneñ äğ’zalığı belän bäyle nigezsez fikerlär işetäbez. Qayber dairälär milli iminlegebez öçen yasağan adımnarıbıznı NATO ittifaqın ähämiyätsez itep kürüneñ dälile itep kürsätergä tırışa. Bu däğ’walar älbättä mantıyqsız häm çınbarlıqnı çağıldırmıy. Törkiyä NATOğa qarata cawaplılıqların iñ yaxşı räweştä cirenä citkerüne däwam itterä”.

 



Bäyläneşle xäbärlär