Ärdoğan liderlarğa kitap tarattı

Londonda uzuçı NATO cıyılışlarına Törkiyä ilbaşı buş qul belän kitmäde

1317250
Ärdoğan liderlarğa kitap tarattı

Törkiyä ilbaşı Räcäp Tayyip Ärdoğan Angliyä başqalası Londonda oyıştırılğan Süriyä temalı Dürtyaqlı sammitta liderlarğa “Strategik ittifaqnıñ köçle äğ’zası Törkiyä” kitabın täq’dim itte. Anı 4 teldä - törekçä, inglizçä, franśuzça häm nemeśça bastırğannar.

Ärdoğan kitaplarnı Franśiyä ilbaşı Êmmanuêl’ Makron, Germaniyä kanślerı Angela Merkel’ häm Angliyä xökümäte räise Boris Djonsonğa birde. Uzğan ayda ul älege kitapnı AQŞqa säyäxäte waqıtında Donal’d Trampqa da büläk itkän ide.

Kitapta NATO äğ’zası Törkiyäneñ ittifaq’qa kertkän öleşe häm üz östenä alğan wazıyfaları turında centekle mäğ’lümat yazılğan. Şulay uq, ilneñ ittifaq’tan nilär kötüe xaqında ayırım bülek bar. Anda terrorçılıqqa qarşı bergä köräşü häm Törkiyäneñ saqlanuına NATOnıñ öleş kertüen däwam itüe assızıqlana.    

Liderlarğa ikeyaqlı oçraşular waqıtında, “Strategik ittifaqnıñ köçle äğ’zası Törkiyä” kitabınnan tış, monnan alda xäzerlängän “Törkiyäneñ terrorçılıq belän köräşe” häm “Süriyädä yana tormış” broşyuraları da taratılaçaq.  

 

 

 



Bäyläneşle xäbärlär