“Rusiyä belän mönäsäbätlärebez - NATO belän mönäsäbätlärneñ al’ternativası tügel”

Törkiyä ilbaşı Räcäp Tayyip Ärdoğan NATO ittifağınıñ tözelüenä 70 yıl tulu uñayınnan başqala Londonda oyıştırılaçaq liderlar cıyılışında qatnaşu öçen Böyekbritaniyägä yul aldı. Kitär aldınnan ul aêroportta jurnalistlarğa belderü yasadı. Ärdoğan anda NATO êçendä üzgäreşlärdän qaçu mömkin bulmawın citkerde. Ul, şulay uq, Törkiyäneñ NATOdağı ähämiyätle urtaq buluın da assızıqladı häm: “Rusiyä belän mönäsäbätlärebez - berlektäşlärebez belän mönäsäbätlärneñ al’ternativası tügel,”-dide.

NATO cıyılışı 3nçe-5nçe dekabr’ könnärendä uzaçaq. Anda ilbaşı Ärdoğan belän bergä tışqı êşlär ministrı Mäwlet Çavuşoğlu, qazna häm finans ministrı Bärat Albayraq häm milli saqlanu ministrı Xulusi Akar da qatnaşa.

Cıyılıştan soñ “London deklaraśiyäse”neñ qabul itelüe kötelä.