Süriyäle balanıñ xıyalı tormışqa aştı

Yärdämçel yäş’lär süriyäle malaynıñ velosiped turındağı xıyalların çınbarlıqqa äwerelderä

1311671
Süriyäle balanıñ xıyalı tormışqa aştı

14 yäş’lek Ğosman äl-Äxmät ğailäse belän Süriyädäge suğıştan qaçıp Kon’yağa kilä. Anıñ salqın hawada uramda qäğaz’ qul’yawlıq satıp torğanın ber törkem student kürep ala. Yäş’lär Ğosman belän tanışa häm söyläşep kitä. Malay ätiseneñ qulında protez buluın häm şul säbäple êşli almawın söyli. Ul üzeneñ ğailäne aşatır öçen uramda qäğaz’ qul’yawlıq satarğa mäcbür buluın äytä. Studentlar süriyäle malay belän söyläşep kitep, anıñ xıyalın da belep ala - velosiped.

Üzlären “Şähär balaları” dip atawçı törkem aqça cıyıp anıñ xıyalın tormışqa aşırırğa qarar qıla. İkençe yulı inde alar qäğaz’ qul’yawlıq satuçı Ğosman yanına büläk belän kilä. Malaynıñ xıyalındağı velosipednı studentlar tantanalı şartlarda - konfetti oçırtıp häm feyerverklar yandırıp tapşıra. Şul tirädä bulğan uzıp baruçılar da Ğosmannıñ şatlığın urtaqlaşa häm qul çaba. Malay isä berawıq şaqqatıp qala häm şatlığınnan nişlärgä belmi. Anıñ söyenüen qarap toruçılarnıñ küzlärenä yäş’lär kilä.  

Ğosman jurnalistlarğa bolay dip söyli: “Universitetta uquçı yäş’lär mine çäy êçärgä çaqırdı. Ul tuğan könem ide. Tort kistelär, bik bäxetle buldım. Minnän xıyalımnı soradılar. Velosiped alırğa teläwemne äyttem. Berniçä könnän mine satu noqtamda kürergä kildelär. Soñınnan feyerverklar yandılar häm konfetti attılar, ör-yaña velosiped kürsätep minem öçen aluların söylädelär. Şulqadär bäxetle idem, ışana almadım. Alarğa bik räxmätlemen. Ğailäm dä velosipednı kürgäç, anıñ büläk buluına ışana almadı. Allah alardan razıy bulsın.”



Bäyläneşle xäbärlär