Ärdoğan: “AQŞnıñ iñ ışanıçlı urtağı Törkiyä”

İlbaşı Räcäp Tayyip Ärdoğan güyä ärmän genośidı raslawları mäs’äläsendä Törkiyäneñ ğorurlı, döres häm ışanıçlığı tögäyen buluın äytte

1306105
Ärdoğan: “AQŞnıñ iñ ışanıçlı urtağı Törkiyä”

Ärdoğan êşlekle säfär belän kitkän Amerika Quşma Ştatlarında İlbaşı Donal’d Tramp belän üzara häm wäkilleklärara söyläşülärdän soñ urtaq matbuğat oçraşuın oyıştırdı.

Ärdoğan biredä yasağan çığışında AQŞ Wäkillär palatasında 29nçı üktäbr’dä qabul itelgän (güyä genośidnı tanu) qararınıñ törek milläten räncetüen belderep: "Törkiyäneñ torışı ğorurlı, döres, ışanıçlığı töğäyen. Ärmän yağına bu mäs’äläneñ urtaq tarix komissiyası belän tikşerelüe täq’dimebez äle dä ğamäldä”, - dip äytte.

İlbaşı 104 yıl êlek suğış şartlarında uzğan waqiğalarğa (güyä genośidqa) qağılışlı qarar qıluçılarnıñ säyäsätçelär tügel, tarixçılar buluın assızıqladı.

İlbaşı, Süriyädäge krizisqa daimi çişeleş öçen Amerika Quşma Ştatları belän kileşügä bäyleleklären däwam itterülären dä belderep:

"AQŞnıñ bu mäs’älädä töbäktä iñ ışanıçlı urtağı Törkiyäder”, - dip äytte.

Tramp belän Törkiyäneñ milli iminlegenä yanawçı terror oyışmaları belän köräştä ike yaqlı iradäne bäyan itülären belderüçe Ärdoğan “Fätullahçı” terror oyışmasınıñ Amerika Quşma Ştatlarındağı barlığınıñ beterelüe taläben dä qabatladı.

Ärdoğan yaraşlı täq’dim birelgän oçraqta AQŞtan “Patriot” satıp ala alaçaqların da assızıqladı.

İlbaşı ayıruça Amerika Quşma Ştatları belän mönäsäbätlärdä nigezle berlektäşlek bağlanışlarına yaraşlı räweştä yaña säxifä açuda täwäkkäl buluların belderde.

Amerika Quşma Ştatları liderı Donal’d Tramp isä, Ärdoğanğa säfäre uñayınnan räxmät belderep, bergäläşep Süriyä mäs’äläse, Törkiyäneñ Rusiyädän satıp alğan raketa saqlanu sisteması S-400lär, säwdä külämeneñ 100 milliard dollarğa citkerelüe belän bergä ike yaqlı mönäsäbätlärne tikşergän “näticäle häm iskitkeç söyläşü” ütkärülären äytte.

Tramp, F 35 problemasınıñ xäl itelüe öçen tığız tırışlıq sarıf itülären dä assızıqlap, “DEAŞ” belän köräştäge xezmättäşlege öçen İlbaşı Ärdoğanğa räxmätlären citkerde.

Donal’d Tramp ayıruça ike il berlektäşlegeneñ NATO häm Yaqın Könçığış öçen möhim köç buluına basım yasadı.



Bäyläneşle xäbärlär