“Terrorçılıqnıñ häm terrorçınıñ yaxşısı, “bezneke-sezneke” bulmas"

Ärdoğan xökümät räise Viktor Orban belän urtaq matbuğat oçraşuı ütkärde.

“Terrorçılıqnıñ häm terrorçınıñ yaxşısı, “bezneke-sezneke” bulmas"

İlbaşı Räcäp Tayyip Ärdoğan Awrupa Berlegendä berniçä äğ’za däwlätneñ ikeyaqlı fikerläreneñ Törkiyä beläñ berlekneñ mönäsäbätlären totıq itep aluın äytte. Ul räsmi säfär belän Vengriyägä kitkän ide. Anda Ärdoğan xökümät räise Viktor Orban belän urtaq matbuğat oçraşuı ütkärde. Ul Törkiyäneñ Awrupa Berlegenä kerü prośessında Vengriyäneñ teläktäşlek kürsätüeneñ bik ähämiyätle buluın assızıqladı.

“Çınnan da möxtäräm xökümät räiseneñ bu mäs’älädä teräk buluına min härwaqıt räxmätle, monı ayırıp äytergä telim. Awrupa Berlegeneñ soñğı çorda ilebezgä qarşı poziśiyäse hiçşiksez konstruktivlıqtan bik yıraq. Berlek bu poziśiyäse belän asılında üz mänfäğat’lärenä dä zarar birä,”-dip söyläde Ärdoğan.

Törkiyä ilbaşı qayber strategik xezmättäşlärneñ terrorçı oyışma liderları beläñ oçraşuları, teläktäşlek kürsätüläreneñ bik küñel töşerüçe buluın da äytte. “Terrorçılıqnıñ häm terrorçınıñ yaxşısı, “bezneke-sezneke” bulmas. Ägär bu köräşkä kersäk - nıq toraçaqbız,”-dide ul.

İlbaşı Vışegrad dürtlese belän mönäsäbätlären tağın da üsterergä qararlı buluların belderde. Ul xökümät räise Orbanğa “Solıx çişmäse” xäräkätenä kürsätkän teläktäşlege öçen dä räxmäten citkerde.



Bäyläneşle xäbärlär