Ärdoğannan Trampka cawap
Amerikan ilbaşı xӓrӓkӓtne tuqtatu qararınnan soñ Ӓrdoğanğa rӓxmät äytkän ide
1290121
Törkiyä ilbaşı Räcäp Tayyip Ärdoğan Amerika Quşma Ştatları dӓwlӓt başlığı Donal’d Trampnıñ “Solıx çişmӓse” xӓrӓkӓten 5 köngӓ tuqtatıp toru belӓn bӓyle söylӓşülӓrdӓn soñ sośial’ mediada yasağan açıqlawına cawap qaytardı.
Ӓrdoğan Twitterda: “Xörmӓtle ilbaşı, keşelekneñ töp doşmanı bulğan terrorçılıqnı ciñgӓç kübrӓk keşene qotqarıp bulaçaq. Bu urtaq tırışlıqnıñ töbӓgebezdӓ tınıçlıq hӓm totrıqlılıq urnaştıraçağına ışanam,” – dip yazdı.
Amerikan ilbaşı xӓrӓkӓtne tuqtatu qararınnan soñ Twitterda Ӓrdoğanğa rӓxmӓt ӓytep: “Törkiyӓdӓn yaxşı xӓbӓrlӓr bar. Millionnarça keşe qotqarılaçaq,” – dip yazğan ide.