“Solıx çişmäse” xäräkäte betäme?

 Törkiyä ilbaşı Räcäp Tayyip Ärdoğan Süriyädäge barlıq terrorçılar qoral taşlap Törkiyä bilgelägän imin töbäktän çitkä çıqsa Törek Qorallı Köçläre alıp baruçı “Solıx çişmäse” xäräkäteneñ betäçägen citkerde.

Ul bu xaqta ğomum başlığı bulğan “Ğadälät häm qalqınu” partiyäseneñ Törkiyä Böyek Millät Mäclesendä uzğan cıyılışında yasağan çığışında citkerde.

Ärdoğan 8 yıl däwam itkän Süriyä mäs’äläseneñ Tön’yaq Afrika häm Yaqın Könçığışnı yañadan üzgärtep qoru tırışlığınıñ näticäse buluın belderep tübändägelärne citkerde: “”DEAŞ”nı xuplawçı,aña matdi yärdäm kürsätüçe illär bügen “DEAŞ” doşmanı bulıp bezneñ qarşıbızğan çığa. Bu “DEAŞ” mäs’äläse dä, “PKK” mäs’äläse dä tügel. Monıñ töbägebez belän bäyle proyektnı tormışqa aşıru buluı kön kebek açıq.”

Törkiyäneñ Awrupada yäisä Amerikada yazılğan sśenariyda  yä üzenä birelgän rol’ne uynayaçağın, yäisä köräşäçägen belderep, “Törkiyä berqayçan da täslim bulunı saylamadı. Bez xalqıbız belän bergä yä bäysezlek ,yä ülem dip köräş bayrağın yuğarı kütärdek. Üz däwläten qorğan millätkä dä bu kileşer”dide.

Üz çığışında “Solıx çişmäse” xäräkätenä qarşı çıqqan Ğaräp ligasın maqsat itep alğan  Ärdoğan , Süriyädän çitkä kitkän 6 million süriyäledän 4 millionınıñ Törkiyägä kilüen xäterlätep ,”Bötenese diyärlek ğaräp bulğan bu qaçaqlar bezgä kilde. Ğaräp ligası ,sez küpme süriyäle qabul ittegez? Sez Süriyäne Ğaräp ligasınnan çığardığız”dide.

İlbaşı Törkiyäneñ barqayçan da tınıç xalıqnı ütermäwen belderep, “Solıx çişmäse” xäräkätendä dä bu yünäleştäge däğ’walarnıñ yala yağu buluın belderep, “Bezneñ inanuıbız da, mädäniyatıbız da , äxlağıbız da moña turı kilmi”dide.

Çığışında könbatışlı illärgä dä üz süzen citkergän Törkiyä ilbaşı bolay dide:”Bez sezneñ mondıy xälgä töşüegezne telämibez, ämma  şunı belegez , ber kön sez dä bez kürgännärne küräçäksez. Ul waqıtta bezne bik yaxşı añlarsız. Ämma ul waqıtta inde soñ bulır. Ul waqıtta terrorçılarnı xuplawçılarğa närsä dip äytersez ikän. Terrorğa qarşı köräştä Törkiyäneñ qarşında tügel, yanında torığız , hiç’yuğı bezneñ êşlärgä qatışmağız”.

Törkiyä ilbaşı Ärdoğan jurnalistlarnıñ Münbiç belän bäyle sorawlarına bolay dip cawap birde: “Bezneñ êşebez - bu cirlärne üz iyälärenä tapşıru. Bez monı telibez. “Bezgä monı biregez” dip beräwdän dä bernärsä soramıybız. Bezneñ berdänber telägebez – Rusiya bulsın, rejim bulsın, kem bulsa bulsın, “YPG/PYD” terror oyışmasın monnan çığarsınnar”.