"Törkiyä zur ber uyınnı bozdı"

Tışqı êşlär ministrı Mäwlet Çavuşoğlu Törek qorallı köçläre tarafınnan alıp barıluçı “Solıx çişmäse” xäräkätenä iñ nıq rizasızlıq kürsätkän däwlätlärneñ Süriyäne bülgäläp terrorçılıq däwläte tözergä häm Törkiyäne totrıqsızlaştırırğa teläwlären belderde. Bu xaqta ul kiçä Azärbaycannıñ başqalası Baqıda dön’ya jurnalistları şurası çarasında söyläde.

“Törkiyädä, Süriyädä häm Ğıyraqta kört qardäşlärebezneñ küpçelege terrorçılıq oyışmasınıñ ideologiyäsen yaqın kürmi, alar xozur häm tınıçlıq teli. PKK terrorçı oyışması belän körtlärne berdäy kürmäwebez kiräk. İñ küp tawış çığaruçı illärgä qarasaq, alarnıñ Süriyäne bülep terrorçı däwläte tözergä, İrannıñ yulın kirtälärgä, Törkiyäne totrıqsızlaştırırğa teläwen küräbez. Monı açıqtan-açıq häm tögäl söylibez. Franśiyädän başlap qayber däwlätlärneñ monda terrorçı däwläte tözergä niyätläwen beläbez. Bez älege zur uyınnı bozğan öçen bik nıq qanäğat’sez buldılar. Ämma bez qanäğat’, çönki terrorçılıq belän köräşäbez,”-dip söyläde ministr.  

Çavuşoğlu üz çığışında operaśiyä waqıtında gumanitar mäs’älälärdä bik sizger buluların, monı “Färat qalqanı” häm “Zäytün botağı” xäräkätlärendä böten dön’yanıñ kürüen assızıqladı.