"Aljir bezneñ öçen möhim"

Törkiyä tışqı êşlär ministrı, êşe tığız buluğa qaramastan, älege ilgä kitte

1284300
"Aljir bezneñ öçen möhim"

Aljirnıñ totrıqlılığı Törkiyä öçen bik ähämiyätle. Tışqı êşlär ministrı Mäwlet Çavuşoğlu şulay dip belderde. Ul räsmi säfär belän Aljirda. Anda Çavuşoğlunı ilneñ tışqı êşlär ministrı Sabri Bukadum qarşı aldı. Oçraşudan soñ Törkiyä qunağı jurnalistlarğa belderü yasap, Aljirğa kilüe öçen şat buluın äytte. Ul, êşläreneñ tığız buluına qaramastan, çaqırunı qabul itüen häm, birgän süzendä torıp, älege säfärgä çığuın söyläde.  

“Aljir belän mönäsäbätlärebezgä bik ähämiyät biräbez. Oçraşularda monı söyläşäçäkbez. Möxtäräm ilbaşı, xökümät räise häm parlament citäkçese belän oçraşu mömkinlege bulaçaq. Aljir bu region öçen, islam dön’yası öçen möhim däwlät”,-dide Çavuşoğlu.

Ul, şulay uq, Aljirda küp sanda törek firmasınıñ êşçänlek alıp baruın belderde häm alarğa teläktäşlek kürsätüçe xökümätkä räxmätlären citkerde.  



Bäyläneşle xäbärlär