“Törkiyä Qaşıqçı cinayäte mäs’äläsen iğ’tibar üzägennän töşermäyäçäk”
Bu xaqta Törkiyä ilbaşı idaräseneñ êlemtä bülege başlığı Fahrettin Altun belderde
Törkiyä ilbaşı idaräseneñ êlemtä bülege başlığı Fahrettin Altun Soğud Ğaräbstanı jurnalistı Cämal Qaşıqçı üterelgängä 1 yıl tulu uñayınnan twitter aşa belderü yasadı.
Altun üz belderüendä tübändägelärne citkerde:” Jurnalist Cämal Qaşıqçı Soğud Ğaräbstanınıñ İstanbuldağı baş konsullığında üterelgännän soñ 1 yıl uzdı. İlbaşı Räcäp Tayyip Ärdoğannıñ bu mäs’älädäge buldıqlılığı,qatğıy totışı belän Törkiyä älege cinayät’ne yaqtırtu öçen zur tırışlıq quydı häm monı äle dä däwam itterä. Barlıq mömkinleklärebezne qullanıp aldan planlaştırıp êşlängän cinayät’ne yomıp qalunı totqarladıq. Ämma Soğud Ğaräbstanı räsmi zatlarınıñ xökemgä tartudağı döreslekkä, ütä kürenmälelekkä tap töşerüçe totışı häm ğadellek öçen citärlek däräcädä tırışlıq kürsätmäwe vöcdannarnı yaralıy. Törkiyä bu mäs’äläne axırına qadär iğ’tibar üzägennän töşermäyäçäk. Xalıqara cämäğät’çelekne dä Qaşıqçı cinayätenä qarata urtaq totış kürsätergä çaqırabız”.
