Törkiyä, İran häm Rusiyä kileşte

Törkiyä, İran häm Rusiyä tışqı êşlär ministrları Süriyä krizisınıñ çişeleşe öçen tözelgän Töp qanun komitetınıñ Şveyśariyäneñ Jeneva şähärendä täwge cıyılışın ütkärü öçen yärdäm itärgä kileşte. Alar N’yu-Yorkta BMOnıñ ğomum şurasınıñ 74nçe utırışı qısalarında öç’yaqlı söyläşü oyıştırdı.

İran tışqı êşlär ministrı Cävad Zarif, Rusiyä tışqı êşlär ministrı Sergey Lavrov häm Törkiyä tışqı êşlär ministrı Mäwlet Çavuşoğlu cıyılıştan soñ urtaq belderü yasadı.

Anda mondıy yullar bar: “2019nçı yılnıñ 16nçı sentyabrendä Änkarada bulğan soñğı öç’yaqlı sammitnıñ näticäse bularaq Konstituśiyä komitetınıñ tözelü prośessınıñ tögällänüe häm 23nçe sentyabr’dä Süriyädä taraflarnıñ, Astananıñ garantiyäçeläreneñ BMO Süriyä maxsus wäkile belän koordinaśyäle bularaq xäzerlägän prośedura qağıydäläreneñ tormışqa aşırıluı mäs’äläsendä kileşüe qanäğat’lelek belän qarşı alındı”.  

Belderüdä Süriyä Töp qanun komitetınıñ êşçänlegenä yärdäm itäçäkläre asızıqlana.