Törkiyä Paqıstanda balalar kitapxanäse açtı

Törek xezmättäşlege häm koordinaśyä agentlığı idaräse TİKA Paqıstanda 5 meñ kitaplı babalar kitapxanäse açtı. Ul ilneñ kön’yağındağı Karaçi şähärendä urnaşa.

Kitapxanäneñ açılışında Törkiyäneñ Karaçi konsulı Tolga Uçak, TİKAnıñ cirle koordinatorı İbrahim Katırcı häm töbäk gubernatorı İftixar Şalvani qatnaştı.

Konsul Uçak üzeneñ çığışında sıyfatlı belem birüneñ Paqıstan balalarınıñ da xoquqı buluın äytte. “Törkiyä küptän Paqıstan belän mägarif mäydanında xezmättäşlek itä. Paqıstanlı uquçılar ilebezdä yuğarı belem ala häm aspiranturada uqıy,”-dide ul.

Karaçi gubarnatorı Şalvani isä TİKAğa räxmäten citkerde häm şähärdä 40 xalıq kitäpxanäseneñ yañartu häm tözekländerü êşçänlegenä yärdäm soradı.  

TİKAnıñ Karaçidağı koordinatorı Katırcı kitapxanägä 5 meñ kitap bulaçağın belderde.

“Millätlärneñ belemnän başqa üsüe häm alğa kitüe mömkin tügel. Şuña kürä, TİKA mondıy tördäge proyektlarnı, ayıruça, az üskän regionnarda tormışqa aşırıp belem birüneñ sıyfatın arttırunı maqsat itep quya,”-dide ul.

TİKA avgust ayında töbäktäge 500 balanı mäktäpkä xäzerläwgä bulıştı, alarğa uqu kiräk-yaraqları öläşte.