Ärdoğan AQŞqa kitä
Ul BMO ğomum şurası utırışında qatnaşaçaq
Törkiyä ilbaşı Räcäp Tayyip Ärdoğan 74nçe BMO ğomum şurası utırışında qatnaşu öçen irtägä AQŞqa yul ala.
Ul älege säfäre qısalarında Amerika Quşma ştatları däwlät başlığı Donal’d Tramp belän oçraşıp Süriyäneñ tön’yağındağı imin töbäk mäs’äläsen söyläşäçäk.
Ärdoğan wazıyfadaşına Törkiyäneñ älege êştä qararlı buluın äytep, yasalası adımnarnı tağın ber qat xäterlätergä uylıy.
Törkiyä ilbaşı BMO ğomum şurasında da dön’ya cämäğat’çelegenä möräcäğat’ itep, imin töbäkneñ süriyäle möhacirlärneñ kire qaytuı öçen ähämiyätle buluın belderäçäk.
Räcäp Tayyip Ärdoğannıñ N’yu-Yorkta BMO ğomum särqatibe Antonio Guterriş, Franśiyä ilbaşı Êmmanuêl’ Makron, Germaniyä kanślerı Angela Merkel’, Angliyä prem’yer-ministrı Boris Djonson belän oçraşuı kötelä.
Bäyläneşle xäbärlär
Franśiya reysları ğamäldän çığarıldı
Törek hawa yulları Franśiyaneñ qayber şähärlärenä reysların ike yaqlı bularaq ğamäldän çığardı
