Ärdoğan Putin belän küreşäçäk
Bu turıda Kreml’neñ tışqı sӓyӓsӓt kiñӓşçese belderde
Kreml’neñ tışqı sӓyӓsӓt kiñӓşçese Yuriy Uşakov Törkiyä ilbaşı Räcäp Tayyip Ärdoğan belӓn Rusiyӓ dӓwlӓt başlığı Vladimir Putinnıñ düşӓmbe könne ike yaqlı söylӓşü ütkӓrӓçӓgen belderep: “Süriyӓ belӓn ber rӓttӓn Mӓskӓwdӓ tözelgӓn kileşülӓrneñ ğamӓlgӓ kerüen dӓ qarayaçaqlar. Söylӓşüdӓ xӓrbi texnika xezmӓttӓşlege dӓ quzğatılaçaq,” – dide.
Uşakov Ӓnkarada Rusiyӓ hӓm İran qatnaşında düşӓmbe könne uzaçaq öç yaqlı oçraşu belӓn bӓyle bularaq başqala Mӓskӓwdӓ jurnalistlarğa açıqlaw yasadı.
Oçraşu qısalarında liderlar arasında ike yaqlı söylӓşülӓrneñ dӓ ütkӓrelӓçӓgen ӓytkӓn Uşakov: “Putin belӓn Ӓrdoğan yış küreşӓ. Soñğı söylӓşü küptӓn tügel MAKS-2019 Xalıqara aviaśiya hӓm ğalӓm yӓrminkӓsendӓ çınğa aştı,” – dide.
Uşakov Putin belӓn Ӓrdoğannıñ Süriyӓdӓge tӓraqqıyӓt’lӓrgӓ tuqtalaçaqlarına işarӓt itte.
