Cammu Käşmir - dön'yanıñ iñ zur konślagerı

Bu xaqta Paqıstannıñ Änkaradağı ilçese Möxämmät Sirus Sekkad Kazi belderde

1264767
Cammu Käşmir - dön'yanıñ iñ zur konślagerı

Hindstannıñ basıp aluı astındağı Cammu Käşmir töbäge dön’yanıñ iñ zur konślagerına äylände. Bu xaqta Paqıstannıñ Änkaradağı ilçese Möxämmät Sirus Sekkad Kazi belderde.  

İlçe Kazi başqala Änkarada Strategik fiker institutında oyıştırılğan “Cammu Käşmir bäxäse: ağımdağı krizisnıñ regional’ tınıçlıq häm iminlekkä yanawı” dip atalğan utırışta qatnaştı.

Ul dön’yadağı iñ citdi gumanitar krizislardan berseneñ xäzerge waqıtta Cammu Käşmirdä buluın assızıqladı. Häm bu xalıqara cämäğat’çelekneñ küzläre qarşında êşlänä. “Bez bötendön’ya tarixında “timer pärdä”gä şahit buldıq. Käşmirdä isä “zäğ’fran pärdä”. Hindstan xakimiyäte astındağı Cammu Käşmir dön’yadağı iñ zur konślager’ xälendä,”-dide ilçe.  Ul fälästinlelär östendäge basımnarnıñ Käşmirdä Hindstan tarafınnan yasalğanına oxşaş buluın belderde. “Xalıqara arenada qabul itelgän bu bäreleşneñ çişeleşsez qaluı ike däwlät arasında suğışlarnıñ kilep çığuına säbäp bulaçaq şartlar tudıra,”-dip östäde ul.   

Kazi Cammu Käşmir xalqınıñ üz yazmışın üze saylarğa tiyeşlegenä iğ’tibarnı cälep itä. Ul Hindstannıñ regiondağı çaralarınıñ BMOnıñ iminlek şurası qararlarına da qarşı çığuın xäterlätte.

“Ägär dön’ya Hindstannıñ Käşmirne basıp aluına tawış çığarmawın däwam itsä, Paqıstan belän ikeyaqlı atom-töş suğışı başlanuı mömkin,”-dip kisätä Kazi.



Bäyläneşle xäbärlär