”Törkiyä barlıq çik buylarında operaśiyägä äzer”
Bu xaqta Törkiyä ilbaşı belderde
Törkiyä ilbaşı Räcäp Tayyip Ärdoğan Rusiyädän qaytışlıy oçqıçta kön tärtibendäge mäs’älälär belän bäyle belderülär yasadı. Ul Törkiyäneñ xäzerge waqıtta barlıq çik buylarında operaśiyägä äzer buluın belderde.
Änkara – Vaşington arasında imin ışanıçlı töbäk kileşüe söyläşüläre däwam itkändä Süriyäneñ İdlib qalasında höcümnärneñ artuı kön tärtibendäge möhim mäs’älägä äwerelde.
Ärdoğan bu mäs’älä belän bäyle borçıluların Rusiya Federaśiyäse däwlät başlığı Vladimir Putinğa citkerüen dä äytte. Vladimir Putinnıñ isä bu mäs’älädä teläktäşlek kürsätü kiräklegenä basım yasawın citkerde.
Törkiyäneñ terrorğa qarşı köräştäge qatğıylığın da assızıqlağan Ärdoğan süzlären tübändägeçä däwam itterde: “Bez terror oyışmalarınıñ barısına qarşı köräşäbez. “DEAŞ”, “PYD-YPG”, “HTŞ”- barısı da yuqqa çığarılırğa tiyeş. Bu mäs’älädä kiregä adım yasalmayaçaq. 12 küzätü punktıbız İdlibtä möhim wazıyfa başqara. Alar üz wazıyfaların däwam itteräçäk”.
Ärdoğan Rusiyägä säfäre waqıtında SU-35 häm SU-57 xärbi oçqıçların da qarawın, alarnıñ üzençälekläre belän tanışuın da belderde.
Bäyläneşle xäbärlär
Fidan - Abdullahiyan söyläşüe
Törkiyä tışqı êşlär ministrı İran wazıyfadaşı belän telefon aşa êlemtägä kerde