Ärdoğan belän Tramp söyläşte

Törkiyä ilbaşı Räcäp Tayyip Ärdoğan AQŞ ilbaşı Donal’d Tramp belän telefon aşa söyläşte. Äñgämädä ike il arasındağı mäs’älälärdän tış, Süriyädäge soñğı waqıtlardağı wäzğıyät’ telgä alındı.

İlbaşı idaräsennän yasalğan belderüdä äytelgänçä, Ärdoğan Franśiyädä uzğan “Zur Cidelek” sammitında İran mäs’äläsendä yasalğan adımnar häm AQŞ ilçese Dêvid Satterfildnıñ wazıyfasına kereşüe öçen mämnün buluın äytte.  

İke lider söyläşüdä säwdä äyläneşen 100 milliard dollar däräcäsenä citkerü mäs’äläsendä qararlı buluların qabat rasladı. Monnan tış, rejim höcümnäre däwam itüçe Süriyäneñ İdlib şähärendä grajdanlılarnı saqlaw häm yaña gumanitar krizisnı kirtäläw maqsatı belän xezmättäşlekne arrtırırğa da kileştelär.