Çavuşoğluna Yaponiyäneñ iñ yuğarı däwlät büläge tapşırıldı

Yaponiyä imperatorı törek ministrın älege büläkkä layıq dip taptı

1250683
Çavuşoğluna Yaponiyäneñ iñ yuğarı däwlät büläge tapşırıldı

Törkiyä tışqı êşlär ministrı Mäwlet Çavuşoğluna Yaponiyäneñ iñ yuğarı däwlät büläklärennän berse birelde. İke il arasındağı duslıqnı köçäytüe öçen imperator Naruxito aña “Kütärelüçe qoyaş ordenı häm zur tasması”n taqtı.

Törkiyä ilbaşı rezidenśiyäsendä uzğan çarada ike yaqtan da yuğarı wäqalätle räsmi zatlar qatnaştı.

Ministr Çavuşoğlu tantanağa kilgän yaponnarnı alar telendä “Xäyerle kiç” dip sälamläde. Ul Yaponiyäneñ däwlät bülägenä layıq kürelüe öçen ğorurlanuın belderde häm imperatorğa räxmätlären citkerde.

“Aziyäneñ ike oçında yäşäsäk tä küñel bağ’larıbız bik köçle häm borınğı. Awır waqıtlarda ber-berebezgä teräk buluıbız - älege bäyläneşneñ kürsätkeçe,”-dide ministr.

Çavuşoğlu ilbaşı Räcäp Tayyip Ärdoğannıñ G20 sammitınnan soñ Osakada ikeyaqlı oçraşular ütkärüeneñ törek-yapon mönäsäbätläreneñ tağın da alğa kitüe öçen köçle êtärgeç birüen assızıqladı. Monnan tış, anıñ äytüençä, Yaponiyädä bıyıl “Törek mädäniyät yılı” dip iğ’lan itelü dä bäyläneşlärneñ nığuına ähämiyätle öleş kertte.

Tantana törek muzıkası konśertı belän tämamlandı.



Bäyläneşle xäbärlär