Ärdoğan patşa Sälman häm Boris Djonson belän söyläşte

Törkiyä ilbaşı Räcäp Tayyip Ärdoğan Soğud Ğaräbstanı patşası Sälman bin Abdulaziz belän telefon aşa söyläşte. Räsmi çığanaqlar xäbär itkänçä, Ärdoğan patşa Sälmannıñ qayğısın urtaqlaşqan. Anıñ abıysı Bändär bin Abdulaziz wafat buldı.

Monnan tış, söyläşüdä ike il arasındağı mönäsäbätlär häm regional’ mäs’älälär xaqında da süz buldı.

Ärdoğan Angliyä xökümäte räise Boris Djonson belän dä telefon aşa söyläşep aldı. Anda Törkiyä ilbaşı äñgämädäşen yaña wazıyfası belän täbrik itte.

Ärdoğan söyläşüdä Törkiyä belän Angliyäneñ ähämiyätle strategik xezmättäş buluın belderde häm ike il arasındağı mönäsäbätlärneñ yaña çorda här tarmaqta üsäçägenä ışanuın äytte.