Ärdoğannıñ Lozan kileşüe yullaması

İlbaşı Räcäp Tayyip Ärdoğan bernindi sankśiyälär belän yanawnıñ da Törkiyäne üzeneñ xaqlı yulınnan baş tartuğa êtärmäyäçägen belderde. Bu süzlärne ul Lozan solıx kileşüeneñ 96 yıllığı uñayınnan citkergän yullamasında äytte. İlbaşı bıyıl, şulay uq, bäysezlek öçen köräşneñ başlanuına 100 yıl tuluın da xäterlätte. Ärdoğan beldergänçä,  dön’yadağı iñ köçle xärbi berleklärgä qarşı alıp barılğan suğış Törkiyäneñ bäysezlek dokumentı - Lozan kileşüe belän tögällände. “Törkiyä cömhüriyäte ber ğasır êlek bulğan şikelle bügen dä bäysezlegenä, kiläçägenä, watandaşlarnıñ xozurı häm iminlegenä qarşı här yanawnı yuqqa çığara alaçaq köçkä häm nıqlıqqa iyä,”-dide ilbaşı.

Ärdoğan Urta diñgez häm Süriyädä yasalğan adımnarınıñ törek milläte häm Kipr törekläreneñ xoquqların saqlaw telägen bik açıq kürsätüen assızıqladı.