“Höcüm ike il arasındağı tarixi häm strategik mönäsäbätlärgä tiskäre yoğıntı yasamayaçaq”
Bu xaqta Ğıyraq tışqı êşlär ministrlığı belderde
Ğıyraq Törkiyäneñ Ärbildäge baş konsullığında wazıyfa başqaruçı 1 xezmätkär şähit bulğan höcümneñ Bagdat häm Änkara arasındağı tarixi häm strategik mönäsäbätlärgä tiskäre yoğıntı yasamayaçağın belderde.
Ğıyraq tışqı êşlär ministrlığınñ bu xaqtağı belderüendä tübändäge yullar urın ala: “Höcümne kisken räweştä ğayeplibez. Höcümneñ neçkälekläre häm säbäplären öyränü öçen iminlek köçläre zur tırışlıq kürsätä. Älege höcüm Bagdat häm Änkara arasındağı tarixi häm strategik mönäsäbätlärgä yoğıntı yasamayaçaq, urtaq mänfäğät’lärne tormışqa aşıru öçen ike il arasındağı yaqınayu tırışlıqların kimetmäyäçäk”.
Ğıyraqnıñ Ärbil qalasında restoranğa oyıştırılğan qorallı höcümdä Törkiyäneñ Ärbildäge baş konsullığında wazıyfa başqaruçı diplomat şähit bulğan ,höcümdä ber Ğıyraq watandaşınıñ da ğomere özelgän ide.