Törkiyä Äfğanstandağı höcümnärne gäyepläde

Tışqı êşlär ministrlığınnan yasalğan yazma belderüdä Törkiyäneñ terrorçılıq belän köräştä Äfğanstannıñ yanında torırğa däwam itäçäge assızıqlandı.

Äfğanstanda tınıçlıq urnaştırıluı öçen bäyläneşle taraflarnıñ söyläşüläre kübäygän şuşı waqıtta sonğı bularaqo Qabulda häm Gaznädä barlıqqa kilgän terror höcümnärendä küp sanda keşeneñ ülüennän häm yaralanuınnan zur borçılu xis itelüe citkerelgän belderüdä: "Mäktäplärdä uquçı gäyepsez balalarnıñ da häläq’ buluına yul açqan terror ğamällären kisken räweştä gäyeplibez, qardäş Äfganstan xalqınıñ qayğısın urtaqlaşabız”, - dip äytelde.

Äfğanstannıñ Gaznä vilayätendä Milli küzläw citäkçelege binasına bomba töyälgän maşina belän yasalğan höcümdä 12 keşe ülgän, 179 keşe yaralanğan ide.

Başqala Qabulda da ike prokurorğa oyıştırılğan qorallı höcümdä ber prokurornıñ ğomere özelgän ide.