Ärdoğan Qıtay däwlät başlığı belän oçraştı

Si Śzin’pin Törkiyä ilbaşı xörmätenä kiçke aş mäclese dä oyıştıra

1228831
Ärdoğan Qıtay däwlät başlığı belän oçraştı
erdogan cin3.jpg
erdogan cin5.jpg
erdogan cin6.jpg

Törkiyä ilbaşı Räcäp Tayyip Ärdoğannı Qıtayda däwlät başlığı Si Śzin’pin Zur xalıq zalında räsmi tantana belän qarşıladı. Şunnan soñ ikeyaqlı häm delegaśiyälär arasında oçraşular başlandı. Soñğısında Ärdoğan çığış yasap däwlät başlığına häm Qıtay xalqına qunaqçıllığı häm xörmät kürsätüe öçen räxmäten belderde. Ul Si Śzin’pin belän soñğı yıllarda yış oçraşıp söyläşülären äytep uzdı. Anda Törkiyä-Qıtay mönäsäbätlären här mäydanda däwamlı anlayış häm strategik küzallaw belän köçäytü nisbätennän kileşüläre dä assızıqlandı.  

Ärdoğan meñnärçä yıllıq êlemtälärgä iyä, Yefäk yulı belän ber-bersenä bäylängän borıñğı mädäniyätlär nigezendä tözelgän Törkiyä belän Qıtay xezmättäşlegen üsterü öçen mömkinleklärneñ zur buluına ışanuın belderde.

Oçraşuda tışqı êşlär ministrı Mäwlet Çavuşoğlu, qazna häm finans ministrı Bärat Albayraq, mädäniyät häm turizm ministrı Mäxmät Nuri Ärsoy, milli saqlanu ministrı Xulusi Akar, säwdä ministrı Ruxsar Päkcan häm başqa däwlät êşlekleläre qatnaştı.

Qıtay däwlät başlığı Si Törkiyä qunaqları xörmätenä kiçke aş mäclese dä oyıştıra.



Bäyläneşle xäbärlär