Törkiyä ilbaşı Ärdoğan İmamoğlunı qotladı

Törkiyä ilbaşı häm AK partiyäneñ ğomum räise Räcäp Tayyip Ärdoğan İstanbul xakimiyäte başlığı saylawlarında ciñgän Äkräm İmamoğlunı täbrik itte. Ul bu tawış birü näticäläreneñ şähär öçen xäyerlegä buluın teläde.

Ärdoğan sośial’ media Twitter xisabınnan yasağan belderüendä, räsmi bulmağan sannarğa qarağanda, İmamoğlunıñ İstanbul şähäre xakimiyäte başlığı bulıp saylanuın bilgeläp uzdı häm qotlaw süzlären citkerde. “Millätebezneñ ixtiyarı bügen tağın ber qat raslandı,”-dide ul.  

İlbaşı moña qadär bulğan şikelle aldağı çorda da demokratiyäne, xoquqnıñ östenlegen, ilneñ tınıçlığı, alğarışı häm totrıqlılığın saqlap, Cömhür ittifağınıñ prinśipları qısasında, berlek häm berdämlek êçendä 2023nçe yılğa quyılğan maqsatlarğa taba baraçaqların assızıqladı.  

“Bu ay axırında uzaçaq G-20 sammitı, Qıtay säfäre häm şunnan soñ Kön’yaq Awrupa häm Balkan däwlätläre sammitın da kertep Törkiyä aldındağı barlıq êçke häm tışqı mäs’älälärne milli mänfäğat’lärebezne küzdä totıp tögällek belän başqarunı däwam itäbez,”-dip östäde ilbaşı Ärdoğan.