Citäkçelär İstanbulda tawış birde

İstanbulda şähär xakimiyäte başlığı saylawı uza

1223536
Citäkçelär İstanbulda tawış birde

 

İstanbul xalqı bügen şähär xakimiyäte başlığın saylıy.

Saylawda “Ğadälät häm qalqınu” partiyäse belän “Millätçe xäräkät” partiyäse (“Cumhur ittifaqı”) namzäte Binali Yıldırım ,”Cömhüriyät xalıq” partiyäse (“Millät ittifaqı”) namzäte Äkräm İmamoğlu ,”Säğadät” partiyäse namzäte Näcdät Gökçınar belän “Vatan” partiyäse namzäte Mostafa İlkär Yücäl köç sınaşa.

Törkiyä ilbaşı Räcäp Tayyip Ärdoğan Üsküdar Kısıklıda tawış birde.

Ul saylawğa xäläl cefete Äminä Ärdoğan , qazna häm finans ministrı Bärat Albayrak häm xäläl cefete Êsra Albayrak belän bergä kilde.

İlbaşı:”İstanbul saylawçısı İstanbul öçen iñ döres qararnı biräçäk”,- dide.

Törkiyä Böyek Millät Mäclese başlığı Mostafa Şäntop ta Üsküdar bistäsendä tawış birde häm “Saylaw ilebez, xalqıbız öçen xäyerle bulsın”dide.

 Êçke êşlär ministrı Söläyman Soylu saylawğa Gaziosmanpaşada kitte.

 Ministr:” Törkiyä saylaw ütkärü belän bergä terrorğa qarşı köräşne dä uñışlı räweştä däwam itterä”,-dip belderde.   

“İYİ” partiya (“Yaxşı”partiya) ğomum başlığı Meral Akşanär Bäylärbäye bistäsendä tawış birde häm saylawnıñ xäyerle buluın teläde.

“Cumhur” ittifaqı namzäte Binali Yıldırım xäläl cefete belän bergä Tuzlada tawış birde.

Ul “Xalıqnıñ qararına xörmät belän qarıym”dide.

”Millät” ittifaqı namzäte Äkräm İmamoğlu Bäylikdüzündäge saylaw bülekçäsenä  xäläl cefete häm ulı belän kilde.

 İmamoğlu:”Xalqıbız demokratiya, İstanbul öçen iñ döres qararnı biräçäk”,-dide.

 



Bäyläneşle xäbärlär