“AQŞnıñ sankśiyälär mäs’äläsendä bik iğ’tibarlı buluı kiräk”

Törkiyä ilbaşı Räcäp Tayyip Ärdoğan Amerika Quşma Ştatlarınıñ Törkiyägä sankśiya kertü mäs’äläsen bik yaxşılap uylawı kiräklegen belderep,”Bezneñ dä üzebezçä sankśiyälärebez bulaçaq” dide.

Ul bu xaqta İstanbulda çit il matbuğatı belän ütkärelgän cıyılışta citkerde.

Ärdoğan:” AQŞnıñ ber probleması bar. Bezneñ ilbaşı Donal’d Tramp belän mönäsäbätlärebez ber törle, ämma anıñ qul astında êşläwçelär belän başqa törle. Şuña kürä sankśiyälär bulır dip uylamıym”,-dide.

 Rusiyädän S-400 hawa saqlanu sistemaları satıp aluğa da tuqtalğan ilbaşı tübändägelärne citkerde:” Ul mäs’älä bezneñ öçen dä ,Rusiya öçen dä betkän êş. Aldağı 15 kön êçendä alarnı tapşırular başlanaçaq dip uylıym. Tapşırılğannan soñ saqlanu sistemaların qorallı köçlär bilgelägän urınnarğa urnaştıru belän barış däwam itäçäk”.

Amerika Quşma Ştatlarınıñ NATO äğ’zası ilen ittifaqtan çığaru wäqaläte bulmawın beldergän Törkiyä ilbaşı AQŞnıñ sankśiyälär mäs’äläsendä bik iğ’tibarlı buluı kiräklegen assızıqladı.

 Ul Törkiyäneñ NATOnıñ möhim häm köçle illärennän berse buluına basım yasadı.

Ärdoğan Törkiyäneñ êlekke ilbaşı Obama däwerennän birle AQŞtan “Patriot”lar alırğa teläwen , ul waqıttan birle kongressnıñ qarşı çığuın belderep, “Bez bu mäs’äläne xäl ittek. Tağın küpme kötärgä bula? Törkiyäneñ tirä –yağında yanaw bar, qurqınıç bar, şuna kürä Rusiyädän uñay şartlarda S-400 lär aldıq”dide.