“Yuğarı saylaw oyışması qararına härkemneñ xörmät kürsätüe kiräk”

 Törkiyä Amerika Quşma Ştatlarınıñ İstanbul saylawı belän bäyle açıqlawına reakśiya belderde.  

Törkiyä tışqı êşlär ministrlığı süzçese Hami Aksoy AQŞ däwlät departamentı süzçese Morgan Ortagus häm AQŞ kongress äğ’zalarınıñ İstanbulda cirle saylawnı qabat ütkärü qararı belän bäyle açıqlawına cawap qaytarıp tübändägelärne citkerde: “Yuğarı saylaw oyışmasınıñ bu qararına härkemneñ xörmät kürsätüe kiräk. Moña oxşaş täräqqiyät’lärneñ AQŞ häm başqa illärdä da küzätelüen , bolarnıñ demokratiya qağıydäläre qısasında çişelüen onıtmasqa kiräk”.  

Aksoy demokratik saylawlarnıñ Törkiyä däwlät tradiśiyäseneñ ayırılğısız öleşe buluın da asszıqladı.

 “Saylawlarda zur külämdä qatnaşu xalqıbıznıñ demokrtiyägä bäylelegen häm saylaw sistemasına ışanıçın bik açıq räweştä kürsätä” dide süzçe.

Ul ağımdağı yılnıñ 31 nçe martnda uzğan saylawda qanunğa qarşı faktorlar buluı açıqlanğannan soñ İstanbulda saylawnı qabat ütkärü qararı qabul itelüen häm anıñ saylaw näticälärennän bäysez buluına basım yasadı.