Äkräm İmamoğlu – İstanbul şähär xakimiyäte başlığı

Cirle saylawdan 17 kön uzğannan soñ Äkräm İmamoğlu İstanbul şähär xakimiyäte başlığı buluğa ireşte

1185566
Äkräm İmamoğlu – İstanbul şähär xakimiyäte başlığı
ekrem imamoglu1.jpg

 

Cirle saylawdan 17 kön uzğannan soñ İstanbulda şähär xakimiyäte başlığı bilgele buldı.

”Cömhüriyät xalıq” partiyäse  häm “Yaxşı”(İYİ) partiya namzäte Äkräm İmamoğlu İstanbul şähär xakimiyäte başlığı buluğa ireşte.

31 nçe martta ütkärelgän cirle saylawdan soñ “Ğadälät häm qalqınu” partiyäseneñ rizasızlıq belderülärennän soñ  qayber ilçälärdä tawışlar qabat sanaldı.

Berketmälärgä kürä, Äkräm İmamoğlu 4 million 169 meñ 765, “Ğadälät häm qalqınu” partiyäse namzäte Binali Yıldırım 4 million 156 meñ 36 tawış cıydı.

Saylaw näticäläre yuğarı saylaw oyışması sistemasında urın alğannan soñ İmamoğluna İstanbul şähär xakimiyäte başlığı bulıp saylanuı turında dokument tapşırıldı.

Annan soñ Äkräm İmamoğlu İstanbul şähär xakimiyäte binasında Mävlüt Ünsaldan wazıyfasın qabul itep aldı.

Yaña citäkçe tübändägelärne citkerde:” İstanbul şähär xakimiyäte başlığı dokumentımnı aldım.Min bik bäxetle häm monıñ belän bik ğorurlanam. Bu şähärneñ ixtıyacların , monda yäşäwçelärneñ taläplären bik yaxşı beläm. Alarğa xezmät kürsätü öçen êşkä kereşäm”.

”Ğadälät häm qalqınu” partiyäseneñ yuğarı saylaw oyışmasına İstanbul saylawın qağıydälärne bozu nigeznamäse belän ğamäldän çığaru turındağı möräcäğätenä dä cawap kötelä.

 Şundıy uq möräcäğät’ne kiçä Cumhur ittifaqınıñ başqa urtağı “Millätçe xäräkät” partiyäse dä yasadı.

 



Bäyläneşle xäbärlär