“AQŞ Patriot satsa - alırbız, satmasa - ikençe ber S-400 alırbız"
Törkiyä tışqı êşlär ministrı Rusiyädän alınaçaq S-400lär xaqında söyläde
Törkiyä tışqı êşlär ministrı Mäwlet Çavuşoğlu Amerika Quşma Ştatlarınıñ Patriot satu garantiyäse bulmawın, satmasalar Rusiyädän tağın ber S-400 alaçaqların söyläde. Ul ber telekanalğa interv’yusında uzğan atnada AQŞqa säfäre xaqında mäğ’lümat birde. Ministr anda Törkiyäneñ S-400lärne alırğa mäcbür buluların añlatqaç, qarşı yaq “bolay buluın belmi idek” digän.
Çavuşoğlu assızıqlağança, Törkiyäneñ S-400lärne aluı NATO äğ’zalığı belän qarşılıqqa kermi. Çönki oyışmadağı qayber däwlätlärdä älege sistema bar inde. Ministr S-400lärneñ F-35 xärbi oçqıçlarına yanaw tudıruı turındağı fikerlärgä cawap itep sistemanı centekläp tikşerergä çaqırdı.
“Belgeçlärdän toruçı êşçe törkem oyıştırıyq häm ul F-35lärdän başlap barlıq NATO sistemalarına yanaw barmı-yuqmı ikänen tikşersen. Törkiyäneñ kontrolendä bulaçaq cihaz niçek yanaw tudırsın. Texnik delegaśiyä täq’dimebezgä cawap bulmadı,”-dip söyläde Çavuşoğlu.
Östäwenä, AQŞ däwlät särqatibe Mayk Pompeo ileneñ Törkiyägä Patriot saqlanu sisteması satu garantiyäse bulmawın beldergän.
“AQŞ Patriot satsa - alırbız, satmasa - ikençe ber S-400 yäisä başqa hawa saqlanu sisteması alırbız. Bezneñ aşığıç ixtiyacıbız bar. Torğan cirebez göl baqçası tügel,”-dide Mäwlet Çavuşoğlu.
Bäyläneşle xäbärlär
Terrorçını İstanbulda êläkterdelär
Saim Çakmak “PKK/KCK” separatist terror oyışmasınıñ Germaniyädäge törkemennän cawaplı bula