"Bez Fälästinlelär yanında"

Törkiyä ilbaşı Räcäp Tayyip Ärdoğan Netanyaxuğa reakŝiya belderde

1179037
"Bez Fälästinlelär yanında"

Törkiyä ilbaşı Räcäp Tayyip Ärdoğan Mäskäwgä kitkänçe İstanbulda oyıştırğan matbuğat oçraşuında İzrail prem’yer-ministrınıň Yordannıň könbatış üzänlege belän bäyle açıqlawlarına reakŝiya belderde.

Netanyaxu êşläreneň xalıqara xoquqqa qarşı kilüen, İzrail 1948 yıldan bügengä qadär başqarğan här êşneň qanunsız buluın beldergän Ärdoğan tübändägeçä däwam itte: “AQŞnıň yaqlawın kürer öçen bu adımnarnı yasadılar. Golan qalqulıqları belän bäyle yasalğan adımda, Yordannıň könbatış üzänlege mäs’äläsendä yasalğan adımda bolarnı küräbez. Saylaw öçen mondıy adım yasala. Yaqın Könçığışqa qabat qaraňğı kiläçäk äzerläw qabul itelmäslek. Fälästinlelär yanında bez.”

Törkiyä ilbaşı Mäskäwdäge söyläşüläre belän bäyle bularaq ta Rusiyä Federaŝiyase däwlät başlığı belän bıyıl öçençe tapqır küreşep söyläşäçägen belderep, bu il belän xezmättäşlekneň artıp, nığıp däwam itüen citkerde.

Ärdoğan Rusiyä belän Süriyädä Färat yılğasınıň könçığışına qarata oyıştırıluı planlanğan operaŝiyağa da tuqtalıp, barlıq äzerleklärneň tämamlanuın äytte.



Bäyläneşle xäbärlär