Törek dayverları Ğıyraqta

Törkiyäneñ suğa çumuçıları Ğıyraqnıñ Musul şähärendä 21nçe martta bulğan parom faciğasendä yuğaluçılarnı êzläw öçen Tigr yılğasına kitkän ide. Alar ber bala cäsäde taptı.

20 keşelek dayverlar komandası Törkiyä diñgez quätlärenä bäyle. Alar Ğıyraqnıñ êçke êşlär ministrlığı belän xezmättäşlek itä. Törkem Musuldan yaqınça 30 kilometr yıraqlıqta urnaşqan Xamam äl-Alil şähärçegendä 15 yäş’lek törkmän çığışlı balanın cansız gäwdäsen taptı.

Dayverlarnıñ Tigr yılğasındağı êzläw-qotqaru êşläre däwam itä.

İsegezgä töşeräbez, Musul şähärendä 21nçe martta ber paromnıñ batuı näticäsendä yaqınça 100 keşeneñ ğomere özelde. Waqıyğada 60 keşe üz tırışlığı belän isän-saw qotıldı. Yuğalğan 100gä yaqın keşe öçen töbäktä êzläw-qotqaru êşläre başlandı.