"Ğaräp illäre, Amerika häm İzraildän qurqıp, êndäşmi"

Törkiyä tışqı êşlär ministrı Mäwlet Çavuşoğlu AQŞ ilbaşı Donal’d Trampnıñ Golan qalqulıqların İzrailneke dip iğ’lan itüçe qararnı imzalawına ğaräp däwlätläreneñ ber süz äytmäwenä rizasızlıq belderde. Älege qararğa berençe bulıp qarşı çığuçı Törkiyä ide.

“AQŞ ilbaşınıñ Süriyäneñ Golan qalqulıqların basıp aluçı İzrailneñ cirläre bularaq tanuına qul quyğan ul dokumentqa qarşı regiondağı ğaräp illärennän ber süz çıqtımı? Täwge rizasızlıqnı kem belderde - Törkiyä belderde. Xätta Awrupa Berlege reakśiyä kürsätä, ämma qayber ğaräp illäre, Amerika häm İzraildän qurqıp, êndäşmi,” - dide Çavuşoğlu.