Törkiyä qayğı urtaqlaşa

Törkiyä Yaña Zelandiyädä bulğan terrorçı höcümen ğayepläde. Tışqı êşlär ministrlığınnan yasalğan belderüdä äytelgänçä, älege däwlätneñ Kraystçerç şähärendä ike mäçettäge qanlı waqıyğalarda bik küp keşeneñ ğomere özelüe häm şaqtıyınıñ yaralanuı tirän qayğığa saldı.

“Bu räximsez höcümnärne barlıq köçebez belän ğayeplibez,”-diyelä belderüdä. Anda ğomere özelüçelärneñ yaqınnarınıñ häm Yaña Zelandiyä xalqınıñ qayğısın urtaqlaşu süzläre bar.

“Yana Zelandiyä xökümäteneñ İslamofobiyä nigezendä buluı añlaşılğan bu höcümnär belän bäyle tikşerüne näticäle räweştä alıp baraçağına häm ğayeplelärne tiz arada mäxkämä qarşına çığaraçağına ışanabız. Älege nisbättän, Yaña Zelandiyä xökümäte räise Jasinda Ardernnıñ açıqlawınnan qanäğat’ qaldıq,”-diyelä belderüdä.