Törkiyägä qarşı terrorçı koridorı

Süriyädä anıñ tözelüenä Törkiyä mömkinlek birmäyäçäk

Törkiyägä qarşı terrorçı koridorı

Süriyäneñ tön’yağında Törkiyägä qarşı terrorçı koridorınıñ tözelüenä forsat birmäyäçäklär. Bu xaqta ilbaşı Räcäp Tayyip Ärdoğan belderde. Ul Xataynıñ İskändärun rayonında bulğan mitingta xalıqqa möräcäğat’ itte. Ärdoğan çığışında qayber köçlärneñ ilne fiker ayırımçılığı häm êtnik yaqtan bülgälärgä mataşuın assızıqladı.

“Kemlek, mädäniyät, mäzhäb, üz-üzebezne totudağı törleleklärne qazıp çığarıp bu cirlärgä fetnä orlıqları igärgä telädelär. Şöker, bu kereşülär uñışqa ireşmäde.”-dide ul.   

Ärdoğan millätneñ berlek häm berdämlekne yaqlap här tördäge provokaśiyälärdän uzuın söyläde. Ul, şundıy uq yul belän, Süriyädän Ğıyraqqa qadär Törkiyägä qarşı alıp barılğan uyınnarnı östäl artında da, cir östendä dä bozaçaqların belderde. “Separatist terrorçı oyışması YPG/PKKğa meñnärçä yök maşinası tulı qorallarnı taratuçılarnı niçek Afrinda ciñelügä duçar itsäk, inşallah, Münbiçtän başlap kön’yaq çik buyınça da bolarğa üz urınnarın kürsätäçäkbez,”-dip söyläde Törkiyä ilbaşı.



Bäyläneşle xäbärlär