“Törkiyä diñgezçelek sänäğätendä soñğı 16 yılda zur uñışqa ireşte”

İlbaşı bu xaqta Törkiyäneñ täwge cirle küzläw köymäsen diñgezgä töşerü tantanasında yasağan çığışında citkerde

1141930
“Törkiyä diñgezçelek sänäğätendä soñğı 16 yılda zur uñışqa ireşte”

 

Törkiyäneñ üz mömkinlekläre häm säläte belän êşläp çığarılğan täwge küzläw köymäse “Ufuk” diñgezgä töşerelde.

İlbaşı Räcäp Tayyip Ärdoğan İstanbul Tuzla arsenalında bu uñaydan oyıştırılğan tantanada yasağan çığışında Törkiyä diñgezçelek sänäğäteneñ soñğı 16 yılda zur uñışqa ireşüen assızıqladı.

İlbaşı üz çığışında terrorğa qarşı köräşkä dä tuqtaldı ,soñğı 3 yılda berençe çiratta “DEAŞ” häm “PKK” bulu belän bergä ilne bülgälärgä tırışqan ,watandaşlarnıñ iminlegenä yanağan barlıq terror oyışmalarına qarşı köräştä näticäle êşlär başqaruların citkerde.

Ul barlıq terror oyışmalarınıñ qulında könbatışlı illärneñ qoralları buluın belderde.

İlbaşı Süriyäneñ tönyağında êtnik çistartu başqaruçı “PYD”,”YPG”lı qatıyl’lärneñ qulında Törkiyäneñ berlektäşläreneñ raketaları, bombaları, qoralları buluın añlattı.

”Törkiyäneñ bolarnı kürgän xäldä ber närsä dä êşlämiçä , iminlegen başqa illär qulına tapşıruı mömkin tügel. Bez bu xällärdän, töbäktäge waqıyğalardan häm tarixıbızdan sabaq alıp saqlanu sänäğäten nığıtırğa, kamilläşterergä tırışabız”dide Törkiyä ilbaşı Räcäp Tayyip Ärdoğan.

 



Bäyläneşle xäbärlär