İbrahim Qalın Marokkoda

Ul Ӓrdoğan isemennӓn Marokko patşası Möxӓmmӓd 6nçığa xat tapşırdı

1133465
İbrahim Qalın Marokkoda

İlbaşı idarӓse süzçese İbrahim Qalın Törkiyä ilbaşı Räcäp Tayyip Ärdoğannı wӓkillek itep Marokkoğa sӓfӓr yasadı.

Qalın 2016 yılnıñ 15 iyul’ könge xain tüntӓreleş kereşüennӓn soñ Törkiyӓne xuplawın berençe itep açıqlağan illӓr arasında bulğan hӓm 2017 yılnıñ fevarlendӓ FETÖ mӓktӓplӓren yapqan Marokko başqalası Rabatka yasağan sӓfӓrendӓ Ӓrdoğan isemennӓn Marokko patşası Möxӓmmӓd 6nçığa xat tapşırdı.

İbrahim Qalın bu sӓfӓrendӓ Marokko prem’yer-ministrı Saadeddin Osmani hӓm yanındağı wӓkillek belӓn tışqı êşlӓr ministrı Nasser Bourita belӓn dӓ söylӓşülӓr ütkӓrde.

Söylӓşülӓrdӓ ike yaqlı yuğarı dӓrӓcӓle sӓfӓrlӓr, ike yaqlı sӓwdӓ külӓme hӓm investiśiyalӓrneñ arttırıluı, diplomatik mönӓsӓbӓtlӓrneñ üsterelüe belӓn regional’ iminlek mӓs’ӓlӓlӓre hӓm FETÖ belӓn körӓştӓ xezmӓttӓşlekneñ urnaştırıluı mӓs’ӓlӓsendӓ kileşü tӓêmin itelde.

Söylӓşülӓrdӓ ayıruça İslam Xezmӓtӓşlek oyışması tüşӓme astında Qudüs-Yerusalim statusınıñ saqlanuı öçen İslam illӓre arasındağı xezmӓttӓşlekneñ dӓwam itterelüe zarurlığı da assızıqlandı.



Bäyläneşle xäbärlär