Münbiçtäge terrorçı sanı

Ärdoğan PYD/YPGlı terrorçılar turındağı mäğ'lümat belän urtaqlaştı

1132882
Münbiçtäge terrorçı sanı

İlbaşı Räcäp Tayyip Ärdoğan Rusiyä häm Amerika Quşma Ştatlarınıñ separatist terrorçı oyışma PKKnıñ Süriyädäge däwamçısı YPGnıñ Münbiçtän çığaçağın söyläwen belderde. Bu xaqta ul Mäskäwdäge oçraşuınnan qaytışlıy oçqıçta interv’yu birde.

“Xäzerge waqıtta Münbiçtä bezdäge sannar belän meñ PYD/YPGlı bar. Yuq diyüçelär bar, ämma bezdäge mäğ’lümatlardağı san bu. Şähärdä yäşäwçelärneñ 85-90%ı sönni ğaräplärdän tora. Ul cirneñ çın xucalarınıñ kem buluı bilgele. Bügen Rusiyä dä, AQŞta PYD/YPGlılarnıñ Münbiçtän çığäçäğın äytä,”-dip söyläde Ärdoğan.

İlbaşı Ärdoğan Süriyädä Törkiyäneñ maqsatı terrorçı oyışmaları buluın belderde.  “İdlibtä, Münbiçtä, Färatnıñ könçığışında iminlek häm totrıqlılıqnı täêmin itärlek mömkinlegebez bar,”-dide.

“PYD/YPG mäs’äläsendäge poziśiyäbez açıq häm tögäl. Bez Süriyädäge körd qardäşlärebezneñ iminlegenä härkemnän tağın da kübräk ähämiyät biräbez. Yäğ’ni bu mäs’älädä terrorçı oyışmalar belän körd milläten ber rätkä quyu mäğ’näsezlek bulır,”-dip söyläde ilbaşı.  

Ärdoğan kön tärtibendä 1998nçe yılda Törkiyä belän Süriyä arasında imzalanğan Adana kileşüeneñ dä buluın belderde. İlbaşı anı “ähämiyätle adım” dip atıy. “Törkiyäne biregä kem çaqırdı diyüçelärgä ul kileşüne kürsätergä kiräk. Astında ölkän Äsädneñ wäkilläreneñ imzası da bar,”-dide Törkiyä ilbaşı.  

Ärdoğan Törkiyä belän Rusiyä arasında vizasız säyäxät mäs’äläsenä dä tuqtaldı. Ul prośessnıñ soñğı êtapqa kilüen belderep: “Putinnıñ imzasın kötä,”-dide.



Bäyläneşle xäbärlär