Törkiyä Münbiç höcümen gäyepläde
Törkiyä “YPG/PKK” separatist terror oyışması yawlap alğan Münbiçtä amerikan xärbiläreneñ patryul’dä çaqta oyıştırılğan bombalı höcümne kisken räweştä gäyepläde
Tışqı êşlär ministrlığınnan yasalğan yazma belderüdä: "Münbiç şähär üzägendä barlıqqa kilgän bombalı höcümdä Amerika Quşma Ştatları xärbi personalı häm tınıç xalıq arasından ülüçelärneñ buluına borçıldıq. Bu cirängeç terror ğamälen kisken räweştä gäyeplibez”, - dip äytelde.
"Münbiçneñ terror oyışmalarınnan çistartıluı häm bu töbäktä totrıqlılıqnıñ häm iminlekneñ urnaştırıluı maqsatınnan çığıp Amerika Quşma Ştatları belän raslağan Münbiç yul kartasınıñ böten êlementları belän tormışqa aşırıluı yünäleşendäge iradäbezgä basım yasıybız”, - dip assızıqlanğan belderüdä: "Törkiyä Münbiç yul kartasınıñ başqarıluı barışınıñ iñ qısqa waqıtta tämamlanuı maqsatınnan çığıp Amerika Quşma Ştatları belän urtaq alıp barğan êşçänlekne täwäkkällek belän däwam itteräçäk”, - dip bäyäläw yasadı.
“DEAŞ”qa qarşı oyıştırılğan Amerika Quşma Ştatlarınıñ äydäp baruçanlığındağı koaliśiya süzçese polkovnik Sean Ryan Süriyäneñ Münbiç ilçäsendä yasalğan häm cawaplılığın “DEAŞ” üz östenä alğan şartlawda AQŞ xärbiläreneñ ülüen açıqlağan ide.
