Ärdoğan belän Trampnıñ "ozın häm näticäle" söyläşüe

AQŞ däwlät başlığı Donal’d Tramp kiçä kiç ilbaşı Ärdoğan belän telefon aşa “ozın häm näticäle” söyläşülären belderde. Ul anda könüzäk mäs’älälärne urtağa quyuların äytte. “İkeyaqlı xezmättäşlek, DEAŞ terrorçı oyışması, Süriyä häm AQŞ ğaskärläreneñ bu ildän aqrınlap koordinaśiyäle räweştä çığaru xaqında fiker alıştıq. Ozaq yıllardan soñ öygä qaytalar,”-dip yazdı Tramp sośial’ mediada. Ul, şulay uq, kiñäygän säwdä äyläneşen dä telgä aluların belderde.  

 Söyläşü turında Törkiyä ilbaşı Räcäp Tayyip Ärdoğan da sośial’ media aşa açıqlaw yasadı. “Tramp belän säwdä mönäsäbätlärebezdän başlap Süriyädäge üzgäreşlärgä qadär bik küp mäs’älädä bergäläp xäräkät itüebezne arttırırğa kileştek,”-dide ul. Ärdoğan Trampqa Süriyädä härtörle yärdämne kürsätergä äzer buluların äytkän. Ul söyläşüneñ ike il häm töbäk öçen xäyerle buluın teläde.

Ärdoğan, forsattan faydalanıp, Trampnı häm anıñ arqılı barlıq AQŞ xalqın Yaña yıl bäyräme belän qotladı.